काठमाडौँ । अफगानिस्तानको काबुल विश्वविद्यालयमा कानूनको परीक्षा दिन विद्यार्थीहरु परीक्षा हलभित्र प्रवेश गर्ने क्रममा भएको बम विष्फोटमा परी ८ जनाको मृत्यु भएको छ । मारिनेमा एक ट्राफिक प्रहरीसहित सर्वसाधारण छन् । विश्वविद्यालयको दक्षिणतर्फको प्रवेशद्धारमा विष्फोटमा भएको हो ।

 

विष्फोटमा परी अन्य ३३ जना घाइते भएको अफगान स्वास्थ्य मन्त्रालयका प्रवक्ता वाहिदुल्ला मायरले जनाएका छन् । विद्यार्थीहरु स्नातकोत्तर तहको परीक्षाका लागि प्रवेश गर्ने क्रममा विष्फोट भएको थियो । अफगानिस्तानमा तालिवान र इस्लामिक स्टेटले बारम्बार विष्फोट गराउने गरेको भएपनि यस विष्फोटको जिम्मा हालसम्म कसैले लिएको छैन ।