अमेरिकामा दुई दिनभित्र दोस्रो शक्तिशाली भूकम्पको झड्का महसुस गरिएको छ।

यसअघिको भन्दा यो भूकम्प अझ शक्तिशाली रहेको बताइएको छ। दक्षिणी क्यालिफोर्नियामा दुई दिनभित्र दोस्रो शक्तिशाली भूकम्पको झट्का महसुस गरिएको हो ।

अमेरिकी भूगर्भसम्बन्धी निकाय युएसजीएसका अनुसार स्थानीय समय अनुसार शुक्रबार राति सवा आठ तिर आएको पछिल्लो झट्का ७.१ म्याग्निच्युडको रहेको छ । यसअघि बिहीवारको भूकम्प ६.४ म्याग्निच्युडको थियो ।

दोस्रो भूकम्पको केन्द्रविन्दु पनि लस एन्जलस शहरभन्दा करिब अढाइ सय किलोमिटर उत्तरमा रहेको रिजक्रेस्ट नगर नजिक रहेको जनाइएको छ ।

हालसम्म गम्भीर प्रकृतिका कुनै पनि मानवीय क्षतिको समाचार भने आएका छन् । अन्तर्राष्ट्रिय सञ्चारमाध्यमहरूले जनाएअनुसार पर्खालमा चिरा परेको, शिशा फुटेको अनि ग्यास पाइप फुटेका जस्ता घटना भएका छन् ।

विज्ञहरूका अनुसार बिहीवारको झट्का शुक्रवारको झट्काको पूर्व कम्पन थियो । यी भूकम्पसँगै थुप्रै परकम्प आइरहेको बताइएको छ। लस एन्जलसको अग्निनियन्त्रण विभागका अधिकारीहरूका अनुसार भूकम्पपछि गरिएका प्रारम्भिक सर्वेक्षणहरूमा कतै ठूलो पूर्वाधार भएको छैन ।

भूकम्प