बुटवल । गुल्मीको गौडाकोटमा शुक्रबार साँझ भएको जिप दुर्घटनामा चालकको मृत्यु भएको छ । दुर्घटनामा अर्घाखाँचीको छत्रदेव गाउँपालिका ७ गैरापानीका ४६ बर्षिय हरिप्रसाद पान्डेयको मृत्यु भएको हो । पाल्पा उपचारका लागि पठाइएका उनलाई बीच बाटोबाटै फर्काइएको  थियो ।

जिल्ला अस्पतालका डाक्टरले उनलाई मृतक घोषण गरेका हुन् । उनी त्यस गाडीका चालक थिए । तम्घासको डेरामा उनकी श्रीमतीसहित ३ सन्तान छन् । केहि दिनअघि मात्र उनले अर्को साहु तम्घासका बद्री श्रेष्ठको गाडी बदलेर चलाउँदै आएका थिए ।

गुल्मीदरवार गाउँपालिका वडा नम्वर ३ गौडाकोटमा बुटवलबाट तम्घास आउँदै गरेको  लु २ च ५४७५ नम्वरको जिप दुर्घटना भएको थियो । अन्य गम्भीर  चार जनालाई पाल्पा लगिएको छ । एक जनाको अवस्था चिन्ताजनक बताइन्छ ।