ललितपुर । ललितपुरको नख्खु कारागारमा दुई कैदीबन्दीबीच भएको झडपमा एकको मृत्यु भएको छ । कैदी पूर्णबहादुर राजीको मृत्यु भएको हो । कर्तव्य ज्यान मुद्दामा कैद भोगिरहेका पवनकुमार महतोले कारागारको भुइँमा बिच्छ्याइएको ब्लकले प्रहार गर्दा राजीको मृत्यु भएको हो ।

झडपको कारण खुलेको छैन । ब्लकले लागेर घाइते भएका पूर्णबहादुर राजीको उपचाका क्रममा वीर अस्पतालको ट्रमा सेन्टरमा मृत्यु भएको महानगरीय प्रहरी कार्यालयका प्रवक्ता श्यामलाल ज्ञवालीले जानकारी दिनुभयो।

घटनाबारे थप अनुसन्धान भैरहेका प्रहरीले जनाएको छ ।