काठमाडौँ ।  प्रधानमन्त्री केपी शर्मा ओली स्वास्थ्य उपचारका लागि बिहीबार फेरि सिंगापुर प्रस्थान गरेका छन् । दिउँसो १:३० बजे थाई एअरमार्फत प्रधानमन्त्री सिंगापुरतर्फ प्रस्थान गरेका हुन् ।

प्रधानमन्त्रीसँग उनकी पत्नी राधिका शाक्य पनि सिंगापुर गएकी छन् । प्रधानमन्त्री ओलीले गत साउन १८ गते सिंगापुरस्थित नेशनल युनिर्भसिटी अस्पतालमा स्वास्थ्य परीक्षण गराएर साउन २७ गते काठमाडौं फर्केका थिए ।

पछिल्लो समय प्रधानमन्त्रीको एकदशक अघि प्रत्यारोपण गरिएको मृगौलामा समस्या देखिएको बताइएको छ । 

परीक्षणमा संग्लन चिकित्सकको सुझाव अनुसार थप परीक्षणका लागि प्रधानमन्त्री पुन त्यसतर्फ  लागेका हुन् ।उनी भदौ २० गते स्वदेश फर्किने तालिका छ ।