काठमाडौं । संस्कृति, पर्यटन तथा नागरिक उड्डयनमन्त्री योगेश भट्टराईले प्रमुख प्रतिपक्षी दल नेपाली कांग्रेसका सभापति शेरबहादुर देउवासँग भेट गरेका छन् । 

भेटका क्रममा मन्त्री भट्टराई पर्यटन वर्ष २०२० का सम्बन्धमा सभापति देउवालाई जानकारी गराएका थिए । 

सभापति देउवाको बुढानिलकण्ठस्थिति निवासमा भएको भेटबारे मन्त्री भट्टराईले सामाजिक सञ्जालमा लेखेको छन्, ‘मैले सम्हालेको मन्त्रालयका तर्फबाट भइरहेका काम, केही दिन पहिले सार्वजनिक गरेको मन्त्रालयको वार्षिक कार्यक्रम र भ्रमण वर्ष २०२० का बारेमा जानकारी गराएको छु ।’
सभापति देउवाले भ्रमण वर्षका बारेमा अभिरुचीपूर्वक सुनेको र महत्वपूर्ण सल्लाह सुझाव पनि दिएको उल्लेख छ ।