सुबिसुको कार्यालयमा भीषण आगलागी, करोडौँको क्षति
काठमाडौँ । इन्टरनेट सेवा प्रदायक कम्पनी सुबिसु केबल नेटको काठमाडौंको बालुवाटारस्थित कार्यालयमा भीषण आगलागी भएको छ । विद्युत सर्किट सर्ट भएर आगलागी भएको हुन सक्ने प्रहरीले जनाएको छ ।
आज दिउँसो १ बजेतिर लागेको आगो नेपाल प्रहरी, सशस्त्र प्रहरी, नेपाली सेना र जुद्ध बारुण यन्त्रको सहायतामा नियन्त्रणमा लिइएको थियो ।
पानी दमकलले आगो निभाउने अवस्था नदेखिएपछि त्रिभुवन विमानस्थलको फोमवाला दमकल मगाइएको थियो ।
