विश्वकर्मा पूजा गरेको स्थानमा आगलागी, ४० लाखको क्षति
कैलाली । कैलालीको धनगढी उपमहानगरपालिका ४ स्थित केवी अटो पार्टस्मा आगलागी हुँदा ४० लाख बराबरको क्षति भएको छ । विश्वकर्मा पुजा गर्ने क्रममा उक्त अटोपार्टसमा आगलागी भएको प्रहरीले जनाएको छ ।
धनगढी उपमहानगरपालिका कार्यालयबाट गएको दमकलको सहयोगमा आगो नियन्त्रणमा लिइएको बताइएको छ । कैलालीका प्रहरी नायव उपरिक्षक दक्ष कुमार बस्नेतले आगलागीबाट ४० लाख बराबरको क्षती भएको जानकारी दिए ।
