संखुवासभा : खाँदबारीबाट बिरामी बोकेर धरानतर्फ जाँदै गरेको बोलेरो जीप अक्करको भिरबाट अरुण नदीमा खसेको छ। जीप खस्दा जीपमा सवार ६ यात्रु बेपत्ता भएका छन्।

धर्मदेवीनगरपालिका–८ मा पर्ने अक्करको भीरबाट जीपगए राति खसेको हो। को १ ज ३७४९ नम्बरको बोलेर जीप राति १०:३० बजेको समयमा सीधै अरुण नदीमा खसेर बेपत्ता भएको हो।

चालक सन्तोष विकले हाँकिरहेको उक्त जीप अरुणमा खस्दा सवार सवै बेपत्ता भएका हुन्। उद्धारको लागिखाँदबारीबाट प्रहरीको टोली परिचालित भए पनि लगातारको वर्षाको कारण उद्धार तथा खोजी कार्यमा समस्या भएको प्रहरीले जनाएको छ।

जीपमा सवारको विवरण आइनसकेको प्रहरीले जनाएको छ। अहिलेसम्म चालकको मात्रै नाम खुलेको छ। बिरामी र अन्य यात्रुको पहिचान खुल्न नसकेको डिएसपी मिमबहादुर लामाले जानकारी दिए।

सडक दुर्घटना