संखुवासभा - धर्मदेवीनगरपालिका–८ अक्करको भीरमा भएको जिप दुर्घटनामा परी  बेपत्ता भएकाहरुको पहिचान खुलेको छ । जीप खस्दा सवार ६ यात्रु बेपत्ता भएका हुन्।

जिल्ला प्रहरी कार्यालय संखुवासभाका प्रहरी प्रमुख डिएसपी मिम बहादुर लामाका अनुसार बेपत्ता हुनेमा चालक खाँदबारी नगरपालिका–९ सन्तोष विश्वकर्मा, खाँदबारी–९ का संगम श्रेष्ठ, सदीक्षा श्रेष्ठ, दुई महिने बालक समीर श्रेष्ठ, प्रमेश थापा मगर र खोटाङका खबरमान पिठाकोटे मगर रहेका छन् ।

बिरामीको खाँदबारीमा उपचार हुन नसकेछि थप उपचारका लागि सुनसरीको धरान स्थित बिपी कोइराला स्वास्थ्य विज्ञान प्रतिष्ठान धरान लैजाने क्रममा गाडी दुर्घटनामा परेकाे हो । दुर्घटनामा बेपत्ताहरुको खोजी कार्य जारी रहेको डिएसपी लामाले जानकारी दिए ।

को १ ज ३७४९ नम्बरको बोलेर जीप राति १०ः३० बजेको समयमा सीधै अरुण नदीमा खसेर बेपत्ता भएको प्रहरीको प्ररम्भिक अनुसान्धान बाट खुलेको छ। उद्धारको लागिखाँदबारीबाट प्रहरीको टोली परिचालित भए पनि लगातारको वर्षाको कारण उद्धार तथा खोजी कार्यमा समस्या भएको प्रहरीले जनाएको छ।