चितवन : नारायण पुलबाट हामफालेर एक युवक बेपत्ता भएका छन्। भरतपुर महानगरपालिका-११ का २५ वर्षीय उद्धार पौडेल पुलबाट हामफालेका हुन्।

जिल्ला प्रहरीका कार्यालय चितवनका अनुसार उनले बुधबार बिहान १० बजे पुलबाट हामफालेका हुन्। उनी बाढीसँग उर्लेको नदीमा हामफालेर बेपत्ता भएका हुन्। उनलाई एक युवकले रोक्ने प्रयास गरेको प्रत्यक्षदर्शीले बताएका छन्। रोक्ने प्रयास गर्दागर्दै उनले नदीमा हामफालेको हुन्।

एक प्रत्यक्षदर्शीका अनुसार उनलाई मोटरसाइकलमा आएका एक युवकले पौडेललाई रोक्ने प्रयास गरे। तर, पौडेल ती युवकबाट फुस्किएर नदीको पूर्वी कुनातिरबाट हामफालेका थिए। उनले हामफालेलगत्तै त्यहीँ एक युवती आएर चिच्याउँदै रोएको प्रत्यक्षदर्शीहरूले भनाइ छ।

उनले किन र के कारणले हाम फाले भन्नेबारे नखुलेको प्रहरीले जनाएको छ। नदीमा हामफालेर बेपत्ता भएका पौडेलेको खोजी कार्य पनि जारी रहेको जिल्ला प्रहरी कार्यालय चितवनले जनाएको छ।