काठमाडौं - पछिल्लो सयम राजधानीमै गुण्डागर्दी गर्दै हिड्नेलाई प्रहरीले पक्राउ गर्ने क्रम जारी राखेकै अवस्थामा पशुपति मन्दिर परिसरभित्रै शंकास्पद बस्तु फेला परेको छ। मन्दिरको सत्तलमा शंकास्पद बस्तु भेटिएको महानगरिय प्रहरी परिसरका प्रवक्ता डिएसपी होविन्द्र बोगटीले बताए।

उनले भने,‘शंकास्पद बस्तु फेला परेको सूचना आएको छ। नेपाल प्रहरी र नेपाली सेनाको बम डिस्पोजल टोली घटनास्थल पुगिसकेको छ।’

शंकास्पद बस्तु बम हुनसक्नेभन्दै आसपासमा मानिसहरु भने त्रसित बनेका छन्। तर परिसरका प्रमुख एसएसपी उत्तमराज सुवेदीले भने उक्त बस्तु बमनै भएको पुष्टि नभएको बताए।