भोजपुर — भोजपुरमा उपमेयरको गाडीलाई लक्षित गरी बम विस्फोट गराइएको छ। षडानन्द नगरपालिकाकी उपमेयर मेरिका राई चढ्ने गाडी निजिकै कुकर बम विस्फोट भएको इलाका प्रहरी कार्यालय दिङ्लाले जनाएको छ ।

इलाकाका प्रहरी निरीक्षक अमतलाल माझीका अनुसार गएराति अज्ञात समूहले उपमेयर राई चढ्ने गाडी नजिकै बम राखेको विस्फोट गराएका हुन्। उनले भने,‘ बम पूर्ण रुपमा विस्फोट नभएकाले ठूलो क्षति भएको छैन्।’

घटनाबारे थप अनुसन्धान भइरहेको उनले बताए । घटनास्थल नजिकै चन्द समूहको पर्चा भेटिएको प्रहरीले जनाएको छ । घटनास्थलमा प्रहरीले शंकास्पद वस्तु समेत फेला पारेको छ ।