पाल्पा । पाल्पाको  रैनादेवी छहरा गाउँपालिका ६ अरखोरमा पिकअप जीप दुर्घटना भएको छ । दुर्घटनामा एक जना घाइते भएका छन् । जीपमा सवार मध्य रैनादेवी छहरा गाउपालिका ८, सत्यवतीका ५० वर्षीय झै बहादुर रेशमी घाइते भएका हुन्।

उनको हाल प्रभास स्थित लुम्विनी मेडिकल कलेज प्रवासमा उपचार भइरहेको छ । घाइतेको अवस्था गम्भीर रहेको जिल्ला प्रहरी कार्यलय पाल्पाले जनाएको छ ।

सत्यवतीबाट केलाटार गएको गा २ च २७१७ नम्वरको पिकअप जीप अनियन्त्रित हुँदा दुर्घटना भएको हो । जीप दुर्घटना भई सडकबाट ५० मिटर तल खसेको प्रहरीले जनाएको छ ।