तनहुँ । सडक दुर्घटनापछि क्षतिपूर्तिको माग गर्दै पीडितले प्रदर्शन गरेपछि पृथ्वी राजमार्ग अवरुद्ध भएको छ । पृथ्वी राजमार्गमा पर्ने आँबुखैरेनी–डुम्रे खण्ड शनिबार दिउँसो सवा १२ बजे देखि अवरुद्ध भएको हो। दुर्घटनामा शहिद लखनथापा गाउँपालिका–३ स्थायी घर भई हाल तनहुँको आँबुखैरेनी गाउँपालिका–३ आँबुखैरेनी बजार बस्ने वर्ष २८ को यमबहादुर थापाको मृत्यु भएको थियो ।

दुर्घटना पछि स्थानीय वासिन्दाले बसको चालकको कारबाही र क्षतिपूर्तिको माग राख्दै राजमार्ग बन्द गराएको प्रहरीले जनाएको छ । दमौलीबाट आँबुखैरेनी जाँदै गरेको लु १ ख ८००२ नम्बरको बस र सोही दिसाबाट जाँदै गरेको वा ९९ प ८००२ नम्बरको मोटरसाईकल शनिबार विहान ९ः२० वजे आँबुखैरेनी बजार नजिकै ठक्कर खाएको प्रहरीले जनाएको छ ।

दुर्घटनामा घाईते भएका थापाको उपचारको लागि आँबुखैरेनी स्थित छिम्केश्वरी अस्पतालमा लैजाँदा त्यहाँका चिकित्सक मृत्यु भएको बताएका थिए ।