जनकपुरधाम – हतियार ओसार्ने एक गिरहो प्रहरीको फन्दामा परेको छ।  गिरहोमा संलग्न चार जनालाई धनुषा प्रहरीले पक्राउ गरेको हो।

धनुषाका प्रहरी नायव उपरीक्षक (डिएसपी) रामेश्वर कार्कीका अनुसार पक्राउ पर्नेमा धनुषा जिल्लाको विदेह नगरपालिका वडा नं. ६ का २१ वर्षीय लक्ष्मी मण्डल खत्वे, १९ वर्षिय सोबिन मण्डल, वड नं. ५ का २५ वर्षीय अबिनाश कुमार मण्डल र सिरहा जिल्ला औरही नगरपालिका घर भई धनुषाको विदेह नगरपालिका वडा नं. ६ मा बस्दै आएका ३५ वर्षीय मिश्री लाल मण्डल रहेका छन् ।

असोज ३ गते विशेष सूचनाको आधारमा अविनाश मण्डलले आफ्नो घरमा कटुवा पेस्तोल राखेको सूचनाको आधारमा निजको घरमा खनतालसी गर्दा अविनाशलाई हतियारसहित पक्राउ गरिएको थियो भने अनुसन्धानको पश्चात अविनास सँगै तीनजना अरु रहेको पाईएपछि सबैजनालाई पक्राउ गरिएको प्रहरी नायव उपरीक्षक कार्कीले बताए ।

पक्राउ परेको सबैजनामाथि हात हतियार तथा खरखजाना मुद्दामा मुद्दा दर्ता गरी आवश्यक अनसन्धान भईरहेको धनुषा प्रहरीले जनाएको छ ।