एजेन्सी । भारत र पाकिस्तानको सीमा क्षेत्र काश्मिरमा गएको शक्तिशाली भूकम्पमा परी ५ जनाको मृत्यु भएको छ । स्थानीय समय अनुसार मंगलबार दिउँसो ४ बजेर ३५ मिनेटमा भूकम्प गएको हो । ६ दशमलव ३ म्याग्नेच्यूट मापन गरिएको भूकम्पमा परी ५ जनाले ज्यान गुमाएका छन् भने ५० भन्दा बढी घाइते भएका छन् । 

भूकम्पको केन्द्र भएको क्षेत्रमा सडक फाटोको छ भने अधिकांश घरहरु भत्किएका छन् । भूकम्पको कम्पन भारतको राजधानी दिल्लीमा पनि महशुस गरिएको थियो । भूकम्पविद्हरुले शक्तिशाली भूकम्प गएकाले परकम्प आउन सक्ने भन्दै सजग रहन आग्रह गरेका छन् ।