काठमाडौँ, ८ असोज । त्रिभुवन अन्तर्राष्ट्रिय विमानस्थल अगाडिबाट चाइनिज पिस्तोलसहित दुई जना पक्राउ परेका छन् । पक्राउ पर्नेमा उदयपुर कटारीका भीम सुर्खेती र सिन्धुलीका भीमबहादुर माझी रहेका छन् ।

प्रहरीले विशेष सूचनाको आधारमा उनीहरुलाई पक्राउ गरेको हो। महानगरीय प्रहरी कार्यालय रानीपोखरीबाट खटिएको विशेष टोलीले उनीहरुलाई पक्राउ गरेको हो ।

प्रहरीले उनीहरुको साथबाट ६ राउण्ड गोली र दुई थान म्यागजिन बरामद गरेको महानगरीय प्रहरी कार्यालयका प्रमुख डीआईजी शैलेश थापा क्षेत्रीले बताए ।प्रहरीले उनीहरुलाई हिरासतमा लिएर थप अनुसन्धान शुरु गरेको छ ।