नवलपुर - नवलपुरको कावासोतीमा बलात्कारको आरोपमा एक वृद्ध पक्राउ परेका छन् । चितवनको भरतपुर महानगरपालिका १६ घर भई हाल कावासोती नगरपालिका १३ मा बस्दै आएका ६५ वर्षीय टेकबहादुर घले पक्राउ परेका हुन्। १४ वर्षीया बालिका बलात्कार गरेको आरोपमा प्रहरीले उनलाई नियन्त्रणमा लिएको हो ।

घलेलाई नियन्त्रणमा लिएर म्याद थप गरी अनुसन्धान थालिएको जिल्ला प्रहरी कार्यालय नवलपुरका प्रहरी निरीक्षक राजेन्द्र अधिकारीले जानकारी दिए ।

कावासोती १३ का वडा अध्यक्ष विनोद रानाकाअनुसार बालिकाको पेटमा ७ महिनाको गर्भ रहेको समेत खुल्न आएको छ । बालिकाका अभिभावकले जिल्ला प्रहरी कार्यालय नवलपुरमा दोषीमाथि कारवाहीको माग गर्दै जाहेरीसमेत दिएका प्रहरीले जनाएको छ ।