जनकपुर असोज ९ , बिहिवार बिहान करिब साढ़े तीन बजे जनकपुरधाम उपमहानगरपालिकाको छेउमा रहेको जानकी फर्निसिङमा चोरी गर्दागर्दै चार डाँकु पक्राउ परेका छन।   

पक्राउ पर्नेमा भारत बिहारको सीतामढ़ी ईस्लामपुर बस्ने मोहम्मद ईलियस, भारत बैरगिनियाका मुजिर अन्सारी,  रौतहट वृन्दावन नगरपालिका रमौली बस्ने गगन पटेल र रौतहट गौरका विनोद प्रसाद सिंह रहेको प्रहरीले जनाएको छ। 
 
गस्तीमा खटिएको प्रहरीले फर्निसिङ पसल ताला फोडिरहेको अवस्थामा उनीहरुलाई भेट्टाएको थियो। सुरुमा एक राउण्ड हावाई फायर प्रयोग गरि प्रहरीले एक जनालाई पक्राउ गरेको थियो भने उल्टै डकैति गर्न आएका अन्य तीन जनाले कटुवा पेस्तोल देखाएर भाग्न खोजेपछि प्रहरीले जवाफमा तीन राउण्ड गोली चलाएर उनीहरूलाई नियन्त्रणमा लिएको धनुषाका प्रहरी उपरिक्षक शेखर खनालले बताएका छन् ।

प्रहरीको गोलि लागि एक जना डाकु घाइते  भएका छन उनको हाल जनकपुर अञ्चल अस्पतालमा उपचार भैरहेको छ भने अन्य ३ जनालाई प्रहरीले हिरासतमा  राखेको छ।