काठमाडाैँ – १५ किलो सुनजस्तै धातुसहित धनुषाबाट एक जनालाई प्रहरीले नियन्त्रणमा लिएको छ।

सशस्त्र प्रहरी (एपिएफ)ले भरतकुमार साहलाई सुनजस्तै धातुसहित पक्राउ गरेको सशस्त्रका प्रवक्ता सुरजकुमार श्रेष्ठले बताए। उनका अनुसार एपिएफ टोलीले ज७प ५७७१ नम्बरको मोटरसाइकलमा सवार  साहलाई विशेष सूचनाको आधारमा पक्राउ गरिएको हो।

नेपालबाट सुनसहित भारत प्रवेश गर्न लागेका उनलाई धनुसाको बसबिट्टिस्थित सीमाबाट पक्राउ गरिएको हो। श्रेष्ठका अनुसार उक्त धातु सुन हो वा होइन भन्ने बारेमा जाँच गर्न पठाइएको छ। जाँचपछि मात्रै सुन होरहोइन भन्ने बारेमा पूर्णरुपमा पुष्टि हुने उनले बताए।