सल्यानमा तरकारी बोकेको जिप पल्टियो, एकको मृत्यु ६ घाइते
सल्यान । सल्यानको कपुरकोट गाउँपालिका–४ किमुचौरबाट तरकारी बोकेर कपुरकोट आउँदै गरेको लु१च ४२५३ नं को जिप दुर्घटना हुदा १ जनाको मृत्यु भएको छ भने अन्य ६ जना घाइते भएका छन।
मृत्यु हुनेमा किमुचौर निवासी ६७ वर्षीया कर्मी पुन रहेका छन। दुर्घटनापछि गम्भीर घाइते भएका पुनको उपचारका लागि अस्पताल लैजाने क्रममा बाटोमा मृत्यु भएको हो। घाइते भएकाहरुको भने दाङको तुलसीपुरमा उपचार भइरहेको प्रहरीले जनाएको छ।
