हेटौडा असोज ११  , लागूऔषध गाँजाको मुद्धाका बिगत १९ वर्षदेखि फरार रहेका अभियुक्तलाई प्रहरीले पक्राउ गरेको छ।  पक्राउ पर्नेमा ४५ बर्षिय गौतम लामा रहेका छन।  

मकवानपुर मनहरी गाउँपािलका–३ घर भएका लामालाई प्रहरीले शुक्रवार मनहरीबाट पक्राउ गरेको हो।  

लामालाई गाँजा मुद्दामा जिल्ला अदालत पर्साले २०५७ साल कात्तिक ३० गतेको फैसलामा ११ महिना ३ दिन कैद र ७ हजार ५०० जरिवाना तोकेको थियो ।  

त्यसपछि फरार रहेका लामालाई हाल अदालतमा उपस्थित गराई कैद र जरिवाना भुक्तानको लागि भीमफेदी जेल चलान गरिएको मकवानपुर प्रहरी प्रमुख मुकेश कुमार सिंहले जनाएका छन।