रामेछाप असोज ११ , खराब मौसमका कारण गृहमन्त्री रामबहादुर थापा बादल चढेको हेलिकप्टर आकस्मिक अवतारण  गरिएको छ।  

सुरक्षा गोष्ठिमा भाग लिन काठमाडौंबाट जनकपुर जाने क्रममा बाक्लो कुहिरो लागेपछि रामेछापको मन्थली विमानस्थलमा आकस्मिक अवतरण गराइएको हो ।

नेपाली सेनाको एमआई–०५६ हेलिकोप्टर मन्थली विमानस्थलमा अवतरण गरिएको जिल्ला प्रहरी कार्यालय रामेछापले बताएको छ ।

हेलिकोप्टरमा गृह मन्त्री थापासहित गृह सचिव प्रेम कुमार राई पनि सवार थिए।