बाजुरा - बाजुरामा जुवा खेल्दै गरेका नेकपाका सचिव चन्द्र थापासहित छ जना पक्राउ परेका छन्। पक्राउ पर्नेमा होटल सञ्चालक अन्तिम शाह, स्वामी कार्तिक गाउँपालिका २ का हिक्मत बुढा, सोही ठाउँका धिरेन्द्र बहादुर शाही, रनदीप बुढा र जगन्नाथ गाउँपालिका ४ का जगत भण्डारी रहेका छन्।

सोमबार जिल्ला प्रहरी कार्यालयबाट नियमित ड्युटीमा खटेको प्रहरी टोलीले शंकाका आधारमा होटलमा छापा मारी उनीहरलार्इ प्रकाउ गरिएको जिल्ला प्रहरी कार्यालय बाजुराका प्रहरी नायव उपरिक्षक उद्धव सिहँ भाटले बताए।

पक्राउ परेकाहरु जिल्ला प्रहरी कार्यालयको हिरासतमा रहेका उनले बताए। थापा नेकपा बाजुराका नगर कमिटि सचिव हुन्।छापा मार्दा नगद ३० हजार ७ सय ७० रुपैयाँसमेत प्रहरीले बरामद गरेकाे हाे।