गोरखा असोज १३, गोरखा नगरपालिका–६ हरमटारीमा निर्माणाधीन भवनको मार्बल झार्ने क्रममा च्यापिएर एक मजदूरको मृत्यु भएको छ। मृत्यु हुनेमा सिरहा मोतीपुर घर भएका ३० वर्षीय नागेन्द्र शाहानी रहेको प्रहरीले जनाएको छ।  

२०७२ को भुकम्पले भत्किएको गोरखाको निर्माणाधीन भवनका लागि ट्रकभित्र मार्बल अनलोड गर्न पसेका बेला एकातिरको सामान निकाल्दै गर्दा अर्कोपट्टिको मार्बल बण्डल झरेर शाहानीको छातीमा लागि उनको मृत्यु भएको प्रहरीको भनाइ छ। 

गाडीबाट भवनमा बिछ्याउने मार्बल झार्ने क्रममा च्यापिएर गम्भीर घाइते भएका शाहानीको उपचारका लागि गोरखा अस्पताल पुर्‍याए लगत्तै अस्पतालले मृत घोषणा गरेको हो।  मृतकको शव परीक्षण गरी आजै आफन्तलाई बुझाउने प्रहरीले जनाएको छ।

मार्बल च्यापिएर