एजेन्सी । जिम्बाबेका भूतपूर्व राष्ट्रपति रोबर्ट मुगाबेको ९५ वर्षको उमेरमा निधन भएको छ । मुगाबे गत अप्रिलदेखि सिंगापुरमा उपचार गराउदै आएका थिए । उनी जिम्बाबे स्वतन्त्र भएपछि सन १९८० मा प्रथम प्रधानमन्त्रीका रुपमा निर्वाचित भएका थिए । 

उनले सन् १९८७ मा राष्ट्रपतिको जिम्मेबारी सम्हालेका थिए । उनले जिम्बाबेमा झण्डै तीन दशक राष्ट्रपतिको कार्यभार सम्हालेका थिए ।

उनलाई सन् २०१७ को नोभेम्बरमा सेनाले अपदस्थ गरेको थियो । मुगाबेको जन्म सन् १९२४ को फेब्रुअरीमा रोडेशियामा भएको थियो ।