एजेन्सी । भारतको बिहार राज्यका किसानहरुले निल गाईले बाली सखाप पारेको उजुरी स्थानीय प्रशासनसमक्ष दिए ।

 प्रशासनले त्यस्ता गाईलाई गोली हानेर मार्ने आदेश दियो । यतिसम्म त विषय सामान्य नै थियो । तर जब गोली लागेर पनि एक निल गाई मरेन, तब त्यो जंगली जनावरलाई  खाल्डो खनेर डोजरले जिउँदै पुर्ने प्रयास गर्यो । 

यो दृश्य एक ट्वीटर प्रयोगकर्ताले भिडियो खिचेर पोस्ट गरे । घाइते अवस्थाको निलगाईलाई जिउँदै पुर्न लागिएको थियो । 
भिडियोमा निलगाई जिउँदै पुरेको देखाइएको छ । 

स्थानीय किसानले वाली सखाप पारेको भनेर वन विभागमा उजुरी दिएका थिए । वन विभागले सिकारीहरुलाई ३ सय निलगाई मार्न आदेश दिएको थियो । 
निलगाई जिउँदै पुरेको दृश्य अहिले पनि भाइरल भइरहेको छ ।