‘देशमा शान्ति स्थापना गर्न गिरिजाबाबुको भूमिका महत्वपूर्ण’
काठमाडौंः देशमा शान्ति स्थापनामा स्व. पूर्वप्रधानमन्त्री गिरिजाप्रसाद कोइरालाको भूमिका महत्वपूर्ण रहेको एक कार्यक्रमका सहभागीले बताएका छन् । गिरिजाप्रसाद कोइराला फाउण्डेशन ललितपुरद्वारा शुक्रबार आयोजित ‘बृहत शान्ति सम्झौतामा गिरिजाप्रसाद कोइरालाको नेतृत्वदायी भूमिका’ विषयको विचार गोष्ठीमा बोल्ने वक्ताले यस्तो बताएका हुन् ।
विचार गोष्ठीमा पूर्वउपप्रधानमन्त्री एवं नेपाली कांग्रेसकी केन्द्रीय सदस्य सुजाता कोइलाराला, पूर्वमन्त्री तथा कांग्रेस केन्द्रीय सदस्य अर्जुन नरसिंह के.सी, नेका केन्द्रीय सदस्य प्रदीप पौडेल, जी पि फाउण्डेशन प्रदेश नं. ३ की संयोजक एवं नेका नेतृ रीता खनाल, पूर्ब वृगेडियर जनरल दन्द विशेषज्ञ डा. उमेश भट्टराई, पुराना नेता ॐकार श्रेष्ठ, फाउण्डेशनका ललितपुर जिल्ला संयोजक जितेन्द्र श्रेष्ठ लगायतले बोलेका थिए ।
कार्यक्रममा बोल्दै उनीहरुले देशमा शान्ति स्थापना गर्न गिरिजाप्रसाद कोइरालाले खेलेको भूमिका लोकतन्त्रका लागि निकै महत्वपूर्ण रहेको बताएका थिए । द्धन्द्धको दलदलमा फसेको देशलाई शान्तिपूर्ण निकास दिनमा पूर्वप्रधानमन्त्री कोइरालाको योगदान अतुलनिय रहेकोमा कार्यक्रमका सहभागीले जोड दिएका थिए ।
साथै कार्यक्रममा सहभागीले लोकतन्त्र र काङ्ग्रेसलाई बलियो बनाउन जि.पि फाउण्डेशनले खेलेको भूमिकाको प्रशंसा गरेका थिए । कांग्रेसलाई बलियाे बनाउन एकजुट भएर अगाडि बढ्नुको विकल्प नभएकोसमेत कार्यक्रममा जोड दिइएको थियो ।
गिरिजाप्रसाद कोइराला जि.पि फाउण्डेशन
