काठमाडौं । काठमाडौंको बौद्धमा गुण्डा पक्राउ गर्न गोली चलाइएको छ । गुण्डा विष्णु लामालाई पक्राउ गर्ने क्रममा महानगरीय प्रहरी वृत्त, बौद्धको प्रहरी टोलीले गोली चलाएको हो ।

प्रहरी टोलीसँग जम्काभेट भएपछि भाग्न खोज्दा गोली चलाइएको डीएसपी रमेशबहादुर सिंहले बताए ।‘विशेष सूचनाको आधारमा जम्भुडाँडा गएको टोलीले तामाङलाई भेटेको थियो’, सिंहले भने, ‘भाग्न खोजेपछि घुँडामुनि गोली हानिएको हो ।’

हाल उनलाई वीर हस्पिटल पठाइएको सिंहले बताए ।प्रहरीका अनुसार तामाङमाथि २०७५ साल भदौमा मेडिकल कलेजका विद्यार्थीलाई खुकुरी प्रहार गरेर घाइते बनाएको अभियोग छ ।

त्यस्तै, ०७३ सालमा सिन्धुपाल्चोकमा भएको विवादका क्रममा एक महिलाले पिठ्यूँमा बोकेको १७ महिने बालिकाको हत्या गरेको अभियोग पनि तामाङमाथि छ ।