जाजरकोटः जाजरकोटमा एक प्रहरी हबल्दारले आफैँलाई गोली हानेर आत्महत्या गरेका छन् ।जारकोटका प्रमुख जिल्ला अधिकारी जनकराज पन्तका अनुसार आज बिहान ७ बजेतिर प्रहरी हबल्दार भोजबहादुर कठायतले आफैँलाई गोली हानी आत्महत्या गरेका हुन् ।  

बाजुरा स्थायी घर भएका कठायत चार महिनादेखि नलगाड नगरपालिका वडा नं ७ स्थित इलाका प्रहरी कार्यालय  दल्लीमा कार्यरत थिए ।

घुमुवा प्रहरीको रुपमा कार्यरत ३५ वर्षीय कठायतले आत्महत्या गर्नुको कारण  खुल्न सकेको छैन ।  घटनाबारे छानविन गर्न टोली परिचालन गरेको प्रजिअ पन्तले जानकारी दिए । 

जाजरकोट आत्महत्या प्रहरी हबल्दार भोजबहादुर कठायत