काठमाडाैँ – शिवानन्द स्वामी भनिने दिपक भण्डारी पक्राउ परेका छन् । शिष्यलाई ठगी गरेको आरोपमा प्रहरीले उनलाई पक्राउ गरेकाे छ।महानगरीय अपराध अनुसन्धान महाशाखा टेकुको टोलीले भण्डारीलाई आज पक्राउ गरेको हो ।

शिष्यलाई विदेश पठाइदिन्छु भन्ने आश्वासन देखाएर रकम उठाएर विदेश नपठाएको भन्दै महाशाखामा ४ जना शिष्यले उजुरी दिएपछि पक्राउ गरिएको महाशाखाका प्रमुख एसएसपी सहकुल थापाले जानकारी दिए ।

भण्डारीले चेक गणतन्त्र पठाइदिन्छु भन्दै पैसा उठाएको बताइएको छ । भण्डारीले आफूलाई तन्त्रविद्याको विज्ञका रुपमा प्रहरीसँग परिचय गराएका छन् । टौदहमा उनको आश्रम समेत रहेको प्रहरीले जनाएको छ ।