काठमाडाैँ – प्रहरीले स्रोत नखुलेको ९ लाख ९९ हजार रुपैयाँसहित दुई जनालाई पक्राउ गरेको छ ।

महानगरीय प्रहरी प्रभाग नागढुंगाको टोलीले स्रोत नखुलेको रकमसहित पर्साका २१ वर्षीय कृष्ण यादव र चितवनका ३८ वर्षीय राजु पौडेललाई सोमबार साँझ पक्राउ गरेको हो ।

काठमाडौंबाट नुवाकोट जाँदै गरेको बा२ज ४८०२ नं को ट्याक्सी चेकजाँचका क्रममा सो रकम फेला परेको प्रहरी प्रधान कार्यालयले जनाएको छ । पक्राउ परेका दुवै जनामथि आवश्यक अनुसन्धान भइरहेको प्रहरीको भनाइ छ ।