काठमाडौंः नेपाल प्रहरीको केन्द्रीय अनुसन्धान ब्युरो (सिआइबी) ले चरणवद्ध रुपमा सरकारी कर्मचारीलाई प्रलोभनमा पारेर ललिता निवासको करिब ११४ रोपनी सरकारी जग्गा व्यक्तिका नाममा दर्ता गरिएको निष्कर्ष निकालेको छ ।  

करिब १० महिना लामो अनुसन्धानपछि सिआइबीले सुरुमा राणा परिवारले मालतपोतका कर्मचरीहरुलाई मिलाएर जग्गा हात पारेको, नक्कली मोही खडा गरिएको र पछिल्लो चरणमा प्रधानमन्त्री निवासका नाममा समेत जग्गा हिनामिना गरिएको निष्कर्ष निकालेको छ ।

ब्युरोले जग्गा अनियमितामा संलग्नतामाथि भ्रष्टाचार आरोपमा छानबिन गरी कारबाही अघि बढाउनुपर्ने निष्कर्ष निकालेको छ । बालुवाटारको करिब ११४ रोपनी सरकारी जग्गा ०४९ सालपछि निरन्तर अतिक्रमण भएको थियो ।

सिआइबीले सरकारी जग्गा हिनामिनामा राणा परिवारसहित भूमाफिया, नक्कली मोही र सरकारी कर्मचारीको मिलेमतो रहेको निष्कर्ष निकालेको छ । यो समाचार आजको कान्तिपुर दैनिकबाट लिइएको हो ।

सिआइबी ललिता निवास फाइल गायब