धनगढी– लागूऔषध ब्राउन सुगरसहित युवती समातिएका छन्। जिल्ला प्रहरी कार्यालय कैलालीले धनगढीबाट लागूऔषध ब्राउन सुगरसहित दुई युवती र एक युवालाई पक्राउ गरेको हो ।

धनगढी उपमहानगरपालिका ८ मा लागूऔषधको कारोबार भइरहेको भन्ने सूचनाको आधारमा प्रहरीले उनीहरुलाई पक्राउ गरेको हो। उनीहरुसँग प्रहरीले ५ सय १० मिलीग्राम ब्राउन सुगर बरामद गरेको छ।

नगढीउपमहानगरपालिका १० घर भई वडा नम्बर ८ को बुद्धचोकमा डेरा गरी बस्ने २० वर्षका उमेश धामी, २० वर्षीया उमा चौधरी र १९ वर्षीया असरानी चौधरी रहेका छन्।

कैलालीका प्रहरी नायव उपरीक्षक दक्षकुमार बस्नेतले पक्राउ परेकाहरूबाट ब्राउन सुगर र सेवन गर्न प्रयोग गरेको नोट लगायतका सामान बरामद गरिएको बताए । जिल्ला अदालतबाट ५ दिन म्याद थप गरी अनुसन्धान भइरहेको जिल्ला प्रहरी कार्यालय कैलालीले जनाएको छ ।