तनहुँ – तनहुँमा प्रहरी बाेकेकाे ट्रक दुर्घटनामा परेकाे छ। देवघाट मेलाको सुरक्षार्थ जाँदै गरेको प्रहरीको मिनी ट्रक दुर्घटनामा परेकाे हाे ।

पोखरा प्रहरी गणबाट देवघाट जाँदै गरेको मिनी ट्रक दुर्घटना परेकाे प्रदेश ३ का प्रहरी प्रमुख डीआईजी शेरबहादुर बस्नेतले जानकारी दिए ।

उनका अुनसार दुर्घटनामा परी एक जनाको मृत्यु भएको छ भने केही प्रहरी घाइते छन्। मृत्यु हुने प्रहरी जवान सन्दीप केसी रहेको प्रहरीले जनाएको छ । दुर्घटनामा घाइतेमध्ये ५ जनाको अवस्था गम्भीर छ ।

पोखराबाट आएको बा १ ग २११८ नम्वरको गाडी फर्कने क्रममा दासढुङ्गा पुलपारी घुम्तीमा दुर्घटना हाे । गाडीमा ३४ प्रहरी सवार थिए । घाइतेमध्ये २६ जनाको पुरानो मेडिकल कलेज र ५ जनाका नयाँ मेडिकल कलेज भरतपुरमा उपचार भइरहेको छ ।