डोजरको ठक्करबाट ६६ वर्षीय वृद्धको मृत्यु
दाङ। पश्चिम दाङमा डोजरको ठक्करबाट एक वृद्धको मृत्यु भएको छ ।
मृत्यु हुनेमा शान्तीनगर गाउपालिका वडा नम्वर १ हारीचार बस्ने ६६ वर्षिय लाल बहादुर थापा रहेको प्रहरीले जनाएको छ ।
पश्चिम दाङको पेदीखोलाबाट शान्तीनगर तर्फ आउदै गरेको रा १ क ३१५ नम्वरको डोजरले गएराती साढे नौ बजे हारीचार भन्ने स्थानमा ठक्कर दिएको थियो।
डोजरको ठक्करबाट थापाकाे घटनास्थलमा नै मृत्यु भएको थियो। मृतकको शवलाई पोष्टमार्टमका लागी राप्ती प्रादेशिक अस्पताल तुलसीपुरमा राखीएको छ । ठक्कर दिने चालक र डोजरलाई प्रहरीले नियन्त्रणमा लिईसकेको छ ।
लाल बहादुर थापा
