सिरहा, ४ माघ । सशस्त्र प्रहरीका एक निलम्बित सहायक हवल्दार लागू पदार्थसहित पक्राउ परेका छन् । इलाका प्रहरी कार्यालय लहानबाट सादा पोशाकमा खटिएको प्रहरी टोलीले चेकजाँचको क्रममा लहान नगरपालिका–१० ग्रामिण चोकबाट ब्राउन सुगरसहित सप्तरी सुरुङ्गा नगरपालिका–८ का प्रेम चौधरी पक्राउ परेका हुन् ।

जिल्ला प्रहरी कार्यालय सिरहाका प्रमुख एसपी उमाप्रसाद चतुर्वेदीका अनुसार चौधरीको साथबाट १५ ग्राम ९२० मिलिग्राम ब्राउन सुगर र २०० मिलिग्राम हवाईट सुगर बरामद भएको छ ।a

स ४ प ४७३ नम्बरको मोटरसाइकलमा चेकजाँचका क्रममा प्रहरीले उनको साथबाट १ लाख ७ हजार ५ सय नेपाली रुपैयाँ, ५ हजार ४ सय ४० भारतीय रुपैयाँ र तीन थान मोबाइल पनि बरामद भएको थियो । पक्राउ परेका चौधरी सशस्त्र प्रहरीका निलम्बित सहायक हवल्दार रहेको जनाइएको छ । धनुषामा कार्यरत उनी दुई महिनाअघि निलम्बनमा परेको बताइएको छ ।