काठमाडौँ — सगरमाथा आधार शिविर र माछापुच्छ्रे आधार शिविरबाट २०० भन्दा बढी पर्यटक र गाइडहरुलाई उद्धार गरिएको छ । उनीहरुलाई चार वटा हेलिकप्टर प्रयोग गरेर उद्धार गरिएको हो ।  

पर्यटन विभागकी निर्देशक निरा आचार्यले वर्षा र हिमपातमा फसेकाहरुको उद्धार गरिएको बताइन्। हालसम्म अन्नपुर्ण सर्किटको देउराली आसपासमा ४ जना कोरियाली पर्यटक सहित ३ नेपाली सम्पर्क विहीन रहेको आचार्यले जानकारी दिइन्।

सम्पर्क विहीन रहेका नेपालीहरुमा गाइडद्वय सरोज परियार र छिरिङ भोटे र भरिया मिनबहादुर लामा रहेका छन्। कोरियाली पर्यटकहरुको नाम आइनसकेको आचार्यले बताइन्।