वीरगन्ज – वीरगन्जमा ठगी आराेपमा  नेपाल कम्युनिस्ट पार्टी (नेकपा)का नेता पक्राउ परेका छन् । नेपाल प्रहरीका असई (सहायक निरीक्षक) बनाइदिन्छु भन्दै ठगी गरेकाे  नेकपाको प्रदेश नम्बर २ को प्रदेश कमिटी सदस्य रहेका रामबाबु बैठा पक्राउ परेका हुन्। बैठा पीडित पक्षको उजुरीका आधारमा पक्राउ परेका हुन् ।

रौतहटको मौलापुर–७ का प्रदीप कुमार साह कानुले दिएको उजुरीका आधारमा बैठालाई पक्राउ गरिएको जिल्ला प्रहरी कार्यालय पर्साले जानकारी दिएको छ ।

कानुले बैठासँगै सुनिल चौरसियाविरुद्ध पनि उजुरी दिएका थिए । पर्सा प्रहरीले बैठा र चौरसियाविरुद्ध ठगी मुद्दामा अनुसन्धान शुरु गरेको थियो । प्रहरीका अनुसार नेकपा नेता बैठाले असई बनाइदिन्छु भन्दै ५ लाख रुपैयाँ लिएको पीडित पक्षको दाबी छ ।