काठमाडौँ । प्रधानमन्त्री केपी शर्मा ओलीलाई भारतीय प्रधानमन्त्री नरेन्द्र मोदीले भिडियोमार्फत हालखबर साेधेका छन् । प्रधानमन्त्री ओलीलाई भारतीय समकक्षी मोदीले भिडियो कन्फ्रेन्समार्फत सम्बोधन गर्दै सुरुमा नेपालीमा भने– ‘नमस्कार, कस्तो छ ?’

मोरङको बुधनगरमा बनेको नेपाल भारत एकीकृत जाँच भन्सार विन्दु (आईसीपी)को उद्घाटनपछि दुवै देशका प्रधानमन्त्रीले सम्बोधन गरेका हुन् । सम्बोधनका क्रममा प्रधानमन्त्री ओलीले यो दुई देशको सम्बन्ध अझ उचाइमा पुगेको बताए ।

नेपालको विकासमा भारत विश्वसनीय साझेदार भएको उनले आगामी दिनमा पनि सहकार्य गर्ने उनले बताए । भूकम्पपछि गोरखा र नुवाकोटमा भारतीय सहयोगमा बनेको घरहरु देखेर आफूलाई खुसी लागेको भारतीय  प्रधानमन्त्री नरेन्द्र मोदीले सुनाए ।

उनले सन् २०२० को दशक नेपाल र भारत सहकार्यको स्वर्णिम दशक हुनेसमेत बताए । भारतीय प्रधानमन्त्री मोदीले नेपाली समकक्षी ओलीलाई राम्रो स्वास्थ्य र सफलताका लागि शुभकामना दिएका छन् ।

नेपाल भ्रमणका लागि निम्तो दिएकोमा खुसी व्यक्त गर्दै उनले भने, –‘म यो वर्षको कार्यक्रमहरु बनाउँदैछु । पक्का तपाईंसँग केही समय बिताउँछु र नेपाली नागरिकको दर्शन पनि हुनेछ ।’

 

Boosting friendship with Nepal. Watch. https://t.co/tVLuJcCMcO

— Narendra Modi (@narendramodi) 21 January 2020