विराटनगर। पूर्व-पश्चिम राजमार्गअन्तर्गत मोरङको बेलबारी नगरपालिका ४ बेतनामा म्याजिक र मोटरसाइकल एकआपसमा ठोक्‍किँदा एकजनाको मृत्यु भएको छ।  

मृत्यु हुनेमा मोटरसाइकल चालक झापाको अर्जुनधारा नगरपालिका ५ का ५४ वर्षीय पशुपति भट्टराई रहेका छन।राजमार्गमा पूर्वबाट पश्चिमतर्फ जाँदै गरेको मे ३ प ४०९७ नम्बरको मोटरसाइकल र विपरित दिशाबाट आउँदै गरेको को १ ज ३७६४ नम्बरको म्याजिक भेन सोमबार दिउँसो ४ बजे एकआपसमा ठोक्‍किएका थिए । 

दुर्घटनामा परि गम्भीर घाइते भएका भट्टराईको विराटनगर स्थित न्युरो हस्पिटलमा सोमबार राति उपचारको क्रममा मृत्यु भएको हो।

मोटरसाइकलको पछाडि सवार उनकी श्रीमती लक्ष्मी भट्टराई घाइते भएकी छन् । लक्ष्मीको न्युरोमै उपचार भइरहेको छ । म्याजिक र चालकलाई नियन्त्रणमा लिएर घटनाको अनुसन्धान सुरु गरिएको प्रहरीले जनाएको छ। 

दुर्घटना चालक मृत्यु