मोरङ । विराटनगरमा रहेको लर्डबुद्ध स्कुलको बस दुर्घटना हुँदा सहचालकको मृत्युु भएको छ । रंगेलीबाट विद्यार्थी बोकेर विराटनगर गएको मे १ ख १४९० नम्बरको बस आज बिहान ६ः३० बजे रामचोकमा दुर्घटना भएको हो ।

बस अनियन्त्रित भइ पल्टिएको थियो । दुर्घटनामा विराटनगर १५ बस्ने वर्ष ३२ का सोही बसका सहचालक सानू साहको मृत्यु भएको छ भने बसमा सवार ११ जना विद्यार्थी घाइते भएके रंगेली प्रहरीले जनाएको छ ।

उनीहरुको विराटनगरमा उपचार भइरहेको छ । घाइते सबैको अवस्था सामान्य रहेको प्रहरीले जनाएको छ ।