डोल्पाः घर पोत्ने माटो खन्ने क्रममा ढिस्कोले पुरिएर डोल्पामा एक महिलाको ज्यान गएको छ । ज्यान गुमाउनेमा डोल्पा ठुलीभेरी नगरपालिका वडा–५ हुँ गाँउकी २३ वर्षीया जुना बुढा बोह रहेकी छन् । उनको बुधबार दिउँसो माटोको ढिस्कोले पुरिएर मृत्यु भएको प्रहरी नायव उपरीक्षक नारायण रञ्जितकारले जानकारी दिए । 

ढिस्कोले पुरिएको जानकारी पाउनासाथै प्रहरीको टोली र स्थानीयको सहयोगमा जुनाको उद्धार गरे पनि बचाउन नसकिएको मृतक बुढाका श्रीमान शम्शेर बुढाले बताए । समयमै उद्धार गर्न नसक्दा श्रीमती गुमाउनु परेको उनले बताए ।

प्रहरी नायव उपरीक्षक रञ्जितकारका अनुसार बुढाको शव बुधबार बेलुका ८ बजे निकालिएकाले कानुनी प्रकिया पूरा गरेर बिहीबार बिहान परिवारलाई जिम्मा लगाएको छ । 

जुना बुढा बोहोरा