बाजुराः मदिरा नष्ट गरेको भन्दै बाजुराका डीएसपीलाई धम्की दिने नेविसंघका नेताले माफी मागेका छन् । जिल्ला प्रहरी कार्यालय बाजुराका प्रहरी नायब उपरीक्षक (डीएसपी) उद्धवसिंह भाटलाई धम्की दिने नेपाल विद्यार्थी संघ (नेविसंघ) का विद्याथी नेता कलकजंग सिंहले फोनमार्फत माफी मागेका हुन् ।

धनगढीमा बस्ने नेविसंघका विद्यार्थी नेता सिंहले गत सोमबार डीएसपी भाटलाई मदिरा नष्ट गरेको आक्रोशमा फोनमार्फत धम्की दिएका थिए । बुधबार फोनमार्फत नै सिंहले डीएसपी भाटलाई माफी मागेका हुन् ।

सिंहले भाटलाई माफी माग्दै भनेका छन्, ‘आक्रोशमा आएर जे–जे धम्की दिए, गाली गरेँ, त्यसको लागि मलाई माफी गरिदिनुहोला । अब त्यस्तो गर्ने छैन ।’ 

डीएसपी मदिरा नष्ट नायब उपरीक्षक उद्धवसिंह भाट धम्की