ओखलढु‌ंगा - ओखलढुंगाको चम्पादेवी गाउँपालिका–५ मा सोमबार बिहान साढे ६ बजे बोलेरो दुर्घटना हुँदा एक जनाको मृत्यु र तीन जना घाइते भएका छन् । उपचारका लागि स्थानीय ५५ वर्षीय सन्तोष विकलाई लिएर ओखलढुंगा जाने क्रममा आफैं अनियन्त्रित भई दुर्घटना भएको प्रहरीले जनाएको छ ।

प्रदेश प्रहरी कार्यालय विराटनगरका अनुसार बा२१च ७३६१ नम्बरको उक्त बोलेरो सडकबाट ४ सय मिटर तल गोपेखोलामा खसेको छ । सो दुर्घटनामा बिरामी विकको घटनास्थलमै मृत्यु भएको प्रहरीले जनाएको छ ।

घटनामा गम्भीर घाइते भएका तीन जनालाई उद्धार गरी उपचारका लागि फिस्टेल एयरको हेलिकोप्टरबाट काठमाडौं पठाइएको प्रदेश प्रहरी कार्यालय विराटनगरले जनाएको छ ।