बर्दिया– बर्दियामा प्रहरी र विप्लव समूहका कार्यकर्ताबीच झडप भएको छ । मधुवन–४ घुडरीमा प्रहरी र विप्लव समूहका कार्यकर्ताबीच झडप भएको  जिल्ला प्रहरी कार्यालयका बर्दियाले जनाएकाे छ। विप्लव समूहका कार्यकर्ताले चलाएको गोली लागेर एक जना प्रहरी समेत घाइते घाइते भएका छन् ।

गोप्य सूचनका आधारमा विप्लव समूहका कार्यकर्ताको खोजतलासमा खटिएको प्रहरी टोलीमाथि आक्रमण भएको थियो । एनसेल टावरमा आगजनी गरेर फर्किएका उनीहरुलाई पक्राउ गर्न खोज्दा आफूहरुमाथि आक्रमण भएको प्रहरीले जनाएको छ ।

घटनास्थलमा थप प्रहरी परिचालन गरिएको छ भने  घाइते प्रहरी जवानलाई उपचारका लागि अस्पताल लगिएको छ । घटनाबारे विस्तृत विवरण आउन बाँकी छ ।