काठमाडाैँ – अबैध हातहतियारसहित प्रहरीले एक जनालाई पक्राउ गरेको छ । पक्राउ पर्नेमा डडेल्धुरापरशुराम नगरपालिका–३ का ५४ वर्षीय नरसिंह नायक रहेको जिल्ला प्रहरी कार्यालय डडेल्धुराले जनाएको छ ।

परशुराम नगरपालिका–३ द्धारीबन गैरखान जंगलमा खटेको सुरक्षा गस्ती टोलीले अबैध हात हतियार सहित उनलाई पक्राउ गरेको जिल्ला प्रहरी कार्यालय डडेल्धुराका प्रहरी नायव उपरीक्षक दधिराम न्यौपानेले जानकारी दिए ।

नायकलाई मुलुकी फौजदारी कार्यबिधी संहिता २०७४ बमोजिम हातहतियार खरखजना कसुरमा जिल्ला अदालत डडेल्धुराबाट १० दिनको म्याद थप गरि अनुसन्धान जारी रहेको प्रहरी नायव उपरीक्षक न्यौपानेले जानकारी दिए ।

नायकको साथबाट एक नाले भरुवा बन्दुक एक थान, चक्कु एक थान, धातुको गोली १६ थान, धातुको छर्रा ९ थान, केप ९ थान, केप बनाउन प्रयोग गरिने पाता ६ थान, बारुद एक बट्टा बरामद गरिएको छ ।