विराटनगर। मोरङको कटहरी गाउँपालिका ७ थलाहामा ट्याक्टरबाट लडेर बुधबार साँझ एकजनाको मृत्यु भएको छ।

रंगेलीबाट कटहरीतर्फ आउँदै गरेको को १ त २५८९ नम्बरको ट्याक्टरबाट लडेर कटहरी-७ का २२ वर्षीय अर्पल मुडियारीको मृत्यु भएको हो ।

दुर्घटनामा घाइते भएका उनको उपचारका लागि विराटनगरको कोशी अस्पतालतर्फ ल्याउँदै गर्दा साँझ ७ : ३० बजे मुडियारीको बाटैमा मृत्यु भएको मोरङ ट्राफिक प्रमुख प्रहरी निरीक्षक राकेशकुमार पोदारले बताए। 

चालक फरार रहेको र ट्याक्टर नियन्त्रणमा लिएर घटनाको अनुसन्धान सुरु गरिएको प्रहरीले जनाएको छ। 

#अर्पल मुडियारी