कैलाली - कैलालीमा लागू औषध ब्राउन सुगरसहित ३ जना पक्राउ परेका छन् ।

पक्राउ पर्नेमा धनगढी उपमहानगरपालिका-५ का १९ वर्षीय विराट रावल, वडानम्बर ७ देवरीयाका फुलचन राना र अछाम मंगलसैन नगरपालिका-१ जुपुका २१ वर्षीय राजेन्द्र रावल रहेको जिल्ला प्रहरी कार्यालय कैलालीका प्रवक्ता प्रहरी नायव उपरीक्षक दक्षकुमार बस्नेतले बताए ।

जिल्ला प्रहरी कार्यालय कैलालीले चेक जाँचका क्रममा धनगढी उपमहानगरपालीका-४ बाट ब्राउन सुगरसहित तीन जनालाई पक्राउ गरेको हो । पक्राउ परेका तीनै जनाविरुद्ध मुद्दा दर्ता गरी थप अनुसन्धान भइरहेको उनले जानकारी दिए ।